清單
Introduction
Tear Gas 唔係一個晚上就能煙消雲散。Tear Gas 不只會出現係報紙及媒體中。它會殘留係 腦海、思緒、及最重要既、身體上。德健中醫診所係呢幾個月，見到好多不同類型既Tear Gas後遺症。 不少受害者都係Tear Gas地區工作或居住。用大飛哥係《古惑仔2猛龍過江》一句話：鼻哥窿擔遮 — “鼻毛”可避。
做咗一段時間左右，第一班參與嘅病人都好得7788 (起碼叫做回應到病人嘅訴求咁啦)，之後得病人同意的話會有啲病案分享，希望大家見到啲我都覺得浮誇嘅Cases後知驚嚟睇病啦，真係有啲病人返下工就成千古恨㗎啦。而因為Tear Gas而起既病症，德健中醫診所係會免費提供義診服務。
嚇完人就簡單歸納一下我依時間星期對依啲疑似Tear Gas病(簡單啲叫住先)嘅經驗啦：
出現原因
乘虛而入
現時已經見識過好多種疑似TG病，如風疹、濕疹、嘔吐、惡心、腹痛、腹瀉、甚至經期延遲、流黑血，原則上都可以用乘虛而入嚟形容，即係病人本身咩功能差，就侵害邊度，本身已經有病底，就加劇病情，例如脾胃差，就易吐瀉；濕疹底，就濕疹爆發，不過依類情況唔難處理，一般食幾日藥就大為好轉，皮膚問題就可能拖耐啲。
直接損傷
依部分主要就係指直接接觸中招嘅口、鼻、咽喉乃至氣管、胸肺，口腫舌腫、咳嗽、咽痛、流鼻涕、甚至胸痛等等我都見過，不過最麻煩嘅我之前都特別出過Post，就係自覺症甚微嘅咽喉發炎：感覺都麻木，所以不痛不癢；冇感覺，所以唔知要醫，琴晚先又有一個朋友做咗人辦，而且治療需時較長，我醫自己都食咗成兩個星期藥，辛苦咗一輪。
最後都係嗰幾句：未睇快啲睇、睇緊唔好好啲又唔睇，依啲新問題，愈多人睇，醫療效果愈進步得快，幫自己同時亦都幫緊其他人。
Case Study
以下係德健中醫診所一手一腳醫治的Tear Gas 後遺症。經過病人同意後，我地決定係度同大家分享一下。希望大家，尤其經常係Tear Gas區活動的朋友及手足，儘快(搵我) 求助 。
因為根據我經驗，表面愈冇事，實際愈大鑊。
Case Study (1) – 風疹
年輕女士一名，全身皮膚反覆大面積紅腫出疹3個月(見圖)，非常痕癢。
治療上與普通風疹分別不大，主要是需要再加強清肺熱毒，而且因為病人曾出現泄瀉，所以同時要清脾胃。
由於需要外透邪熱，首3日服藥出疹反而更頻密，但好在病人合作，堅持服藥，之後出疹就不斷減少，前後服藥約10日後出疹就很零星、面積也很小。
不過要注意風疹是一個很反覆的病，睡眠不足、飲酒、食辣、吹風都可以迅速惡化，不要好轉就掉以輕心！
Case Study (2) – 泄瀉
呢個係腹瀉方面比較嚴重的病人，一般我治療急性腹瀉多使用小柴胡湯加減，而少加大黃係好重要嘅一環，《本經》載大黃有「蕩滌腸胃，推陳致新，通利水榖，調中化食，安和五臟」之效，有效清除胃腸間嘅餘毒，先可以有速效，但今次因病人本身脾胃虛寒，又久瀉多時，所以再配合以苓桂朮甘湯，溫補脾胃之中又不致呆滯。
開post主要係想大家知道香港人健康上發生緊咩事，而唔係畀我自吹自擂，所以開藥就唔太深入討論，有興趣的話私下先研究啦！
#病人已同意出post
